Imaxes
Descrición
Atr. Mestre da Traizón. Ca. 1100. Granito
Grazas á descrición da fachada do Paraíso que aparece no Códice Calixtino sábese a localización orixinal deste relevo, que facía parella co da Expulsión do Paraíso que foi recolocado na fachada de Praterías. Tras a demolición da fachada, a mediados do século XVIII, a peza estivo un tempo desaparecida, ata o seu achado, a principios do século XX, nunha casa da rúa compostelá de Pitelos. De alí, pasou á formar parte da colección Blanco-Cicerón, ata que os seus herdeiros cedérona ao Museo Catedral.
Representa o momento en que Deus reprende a Adán e Eva polo seu pecado á vez que estes tratan de ocultar a súa nudez; unha pasaxe do Xénese que continuaba, no discurso iconográfico da fachada no citado relevo da Expulsión hoxe situado en Praterías.