Imaxes
Descrición
Taller renano, Ca. 1065. Prata sobredourada e repuxada e alma de madeira de cedro
A decoración gravada na lámina de prata sobredourada, en forma de roleos en “ S” que percorren toda a peza, terminou por dar nome a esta cruz, coetánea, aproximadamente, do momento do inicio das obras da catedral románica e que se atribuíu a algún dos prestixiosos talleres renanos da época. É testemuño e exemplo da riqueza do Tesouro catedralicio medieval, decimado ao longo da historia por vicisitudes diversas.