Coimbra, Atr. Joao Afonso, segunda metade do século XV. Calcaria policromada

Tradicionalmente relacionouse esta imaxe con aquela que, segundo as crónicas, coroaba a chamada Torre do Anxo ou de San Miguel, que se achaba nun dos ángulos da fachada norte da catedral. Con todo, as características da peza e o seu estado de conservación non parecen corresponderse con tempo de exposición á intemperie. É posible que si tivese relación coa torre, pero non ao exterior, senón nalgunha capela situada na mesma baixo a advocación de San Miguel.
Estilísticamente correspóndese co traballo dos talleres conimbricenses da época e, neste sentido, atribuíuse a Joao Afonso, Mestre dás Alhadas, aínda que tamén podería ser realizada en Compostela por un mestre portugués activo na cidade nese momento.