Imaxes
Descrición
Santiago de Compostela, Enrique Mayer, 1919. Acibeche e prata.
Esta delicada imaxe de Santiago peregrino reproduce en acibeche a escultura pétrea recolocada, xunto a outras imaxes, no primeiro corpo da Torre do Reloxo e, posiblemente, se trate dunha ofrenda ao Apóstolo.
Está datada no ano 1919 e asinada por Enrique Mayer, fillo dun mestre reloxero de orixe austríaca afincado en Compostela, quen deu orixe a unha saga de acibecheiros e prateiros que chegou aos nosos días e que, xunto a outras familias recuperaron, da man do referido Enrique Mayer, esta importante tradición compostelá, da que esta peza é un bo exemplo.