The Portico of Glory | MUSEO CATEDRAL DE SANTIAGO. Santiago de Compostela

Description

Obra mestra da historia da arte universal, actualmente móstrase mutilado polas reformas realizadas na súa fachada. O Mestre Mateo desenvolve, no Pórtico, un programa de contido apocalíptico e salvífico incorporando unha nova linguaxe arquitectónica e escultórico que derivará nunha arte galega con identidade propia.

Video

Images

Montaxe fotográfica do conxunto de tres arcadas do Pórtico da Gloria

A cripta salva o desnivel entre a catedral e a praza e forma parte do Pórtico da Gloria. Representa o mundo terreal, baixo a gloria, necesitado dos astros para iluminarse, de aí os anxos portando, respectivamente, o sol e a lúa, que aparecen nas claves da bóveda do transepto.

Arcada central do Pórtico da Gloria

Panorámica do Pórtico da Gloria desde a esquina dereita do nártex

Tímpano do Pórtico da Gloria, presidido pola imaxe de Cristo en Maxestade, acompañado do tetramorfos, os xustos e benaventurados, a procesión de anxos con instrumentos da Paixón e, na arquivolta, os vinte e catro anciáns músicos

Cristo en Maxestade preside o tímpano, represéntaselle sedente, coroado e mostrando as chagas do seu martirio. Está acompañado de senllos anxos con incensarios.

Detalle do tímpano do Pórtico da Gloria: Cristo en Maxestade, San Juan Evanxelista, os Xustos e os anciáns músicos.

Seguindo o relato da Apocalipse, os vinte e catro anciáns, con instrumentos e redomas de perfume, prepáranse para o seu concerto celestial. Os dous personaxes da clave da arquivolta, son os encargados de tocar o Organistrum.

A procesión dos Arma Christi na parte inferior do tímpano e, á dereita, o evanxelista Lucas

Piar dos profetas. De dereita a esquerda: Moisés, Isaías, Daniel e Xeremías.

O sorriso de Daniel é un dos elementos icónicos do Pórtico da Gloria e mostra do naturalismo e introspección psicolóxica do Mestre Mateo nos seus personaxes.

Piar dos apóstolos. De esquerda a dereita: Pedro, Paulo, Santiago o Maior e Xoán.

Os diálogos e complicidade entre os personaxes representados, así como a utilización das estatuas columna, destacan entre as grandes achegas realizadas polo Mestre Mateo no Pórtico da Gloria.

Santiago o Maior aparece representado por duplicado no Pórtico da Gloria, no conxunto de apóstolos do piar dereito da arcada central e sobre a columna do Parteluz, neste caso, sedente, nun trono sobre leóns, co báculo en tau propio dos prelados composteláns e unha cartela, hoxe borrada, na que se afirmaba a súa misión apostólica.

Sobre a imaxe sedente de Santiago atópase o capitel coas tentacións de Satanás a Cristo.

No capitel da Trindade que coroa a columna do parteluz represéntase a xenealoxía divina de Cristo.

No fuste marmóreo do parteluz represéntase a Árbore de Xesé, a xenealoxía humana de Cristo

A Virxe María remata a árbore coa xenealoxía humana de Cristo representada no fuste marmóreo do parteluz

No arco da esquerda do Pórtico da Gloria represéntase a Antiga Alianza: os patriarcas do Pobo elixido e o descenso de Cristo ao limbo.

Detalle do arco da dereita, coa imaxe de Cristo na parte central da arquivolta inferior, flanqueado por Adán e Eva.

A Nova Alianza no arco da dereita, co xuízo final no que Cristo e San Miguel separan aos benaventurados, á esquerda, dos condenados, á dereita

Os condenados sofren os castigos do inferno segundo os seus pecados. Son escenas que teñen un carácter exemplarizante para o espectador.

Grifos, leóns e outros animais, reais e fantásticos, ocupan os basamentos sobre os que se asintan as tres arcadas do Pórtico da Gloria e poderían estar relacionados co relato do libro do profeta Daniel.

Posible representación, nun dos basamentos do Pórtico, do castigo ao rei Nabucodonosor, presente no libro de Daniel.

No basamento do parteluz represéntase a un personaxe barbado empolicado a senllos leóns, ao que se deron diversas interpretacións: Sansón, Daniel, Adán ou Gilgamesh

O Santo dos croques é a imaxe axeonllada que se atopa situada no reverso da base do parteluz, mirando cara ao interior da catedral. Trátase dun autorretrato do propio Mestre Mateo ofrecendo, con humildade, a súa obra mestra.

Varios dos personaxes representados nas estatuas columna da contrafachada estarían relacionados co Ordo Prophetarum, drama litúrxico medieval. Entre eles, atópase o poeta latino Virxilio, que anunciou a vinda de Xesús.

Tamén aparece entre os personaxes do Ordo Prophetarum San Xoán Bautista, representado no grupo de estatuas columna da contrafachada do Pórtico da Gloria.

Ánxeles e serafíns poboan os arranques das nervaduras da bóveda na contrafachada.

Na tribuna sobre o Pórtico complétase o discurso iconográfico do conxunto, á vez que se fai máis evidente o uso de solucións arquitectónicas propias do estilo gótico

Tal e como expresa a Apocalipse e fronte ao mundo terreal, a Xerusalén celestial non necesita aos astros pois está iluminada polo Cordeiro de Deus, representado na clave da bóveda da tribuna sobre o Pórtico da Gloria.

Virtual tour

Google Arts & Culture

Un Maestro de nombre Mateo

El Pórtico de la Gloria. La obra cumbre del Maestro Mateo

Decodificando el Pórtico de la Gloria

La desaparecida fachada al final del Camino

La restauración del Pórtico de la Gloria

A restauración do Pórtico da Gloria foi posible grazas ao mecenado da Fundación Barrié.

BACK TO PORTICO OF GLORY