Descrición

Débelle o seu nome a un cóengo de apelido Miranda (Pedro ou Luís) que mandou introducir o seu identificador en letras de ouro nos marxes do folio 49r, aínda que só foi un dos seus posuidores e, con maior seguridade, a súa orixe estaría relacionada co arcebispo don Rodrigo de Luna (1449-1460).

Composto por 514 folios, as iluminacións limítanse aos marxes, orlas ou letras capitais, sen ocupar páxinas enteiras; así e todo, son de gran riqueza, destacando motivos vexetais, heráldicos e personaxes, ás veces difíciles de identificar ao carecer de cartela. Apréciase a influenza da pintura flamenga nos pregos das vestimentas, que chegan ata o chan.

Parece realizado para un crego de Santiago, xa que se inclúen distincións da liturxia compostelá como a devoción a santa María Salomé, nai do Apóstolo, ou aos santos cuxas reliquias trouxo de Braga Diego Xelmírez.