Descrición

Detrás do retablo realizado por Simón Rodríguez no 1721, en concreto, tras a escena do Descendemento, agóchanse os restos dunhas pinturas murais que datan, aproximadamente, de 1526.

O primeiro dos fragmentos conservados atópase no intradorso do arco tras o cal se dispón a sancristía e representa un motivo de cadelieri en policromía branca e carmín, conformado polo que semella un cáliz ou un candelabro coroado por un querubín.

O segundo fragmento sitúase na parte inferior do muro, a carón da porta da sancristía. Tan só é posible distinguir unha figura humana que parece estar nimbada e de xeonllos. García Iglesias pensa que podería tratarse dunha representación da escena do Lavatorio.