Descrición

Nos fondos do Museo Catedral consérvase unha táboa atribuída a Juan Luis que sería a súa interpretación do Cristo Salvador do Greco. Xesús aparece representado en tres cuartos, en posición frontal e nimbado, seguindo o modelo das iconas bizantinas; bendice á maneira grega, coa man dereita mentres a esquerda se apoia nun globo terráqueo. O encadre está adaptado ao fornelo onde ía disposta esta peza ―no retablo pétreo renacentista da capela do Salvador―, lixeiramente convexa, e non aparece o globo no que se apoiaría a man esquerda. Viste prendas de vivas cores: unha túnica branca e marrón e un manto vermello e azul.