Descrición

Trátase dunha copia serodia da Bula Regis Eterni de Alexandre III. A letra que inicia o texto contén unha representación de Santiago ecuestre, o cal supón un anacronismo, posto que a bula intenta xustificar a implantación do ritual de apertura da Porta Santa. En realidade, a miniatura é posterior a que se establecese este ritual en Compostela.

Santiago aparece representado vestido con indumentaria militar de carácter guerreiro, derrotando un inimigo a cabalo. A estrutura que o envolve, así coma o piar que a pecha, son de carácter clásico.