Descrición

O recente proceso de restauración na capela románica de San Bartolomeu ―de Santa Fe ata inicios do século XVI― permitiu recuperar unha decoración xeométrica, pintada en branco e negro, que se estende sobre as xambas e o intradorso de dúas das súas tres ventás, así como sobre o muro dun arco cego no lado occidental. O deseño preséntase en positivo-negativo e verso-inverso, evocando unha sucesión de pináculos ou coroamentos, semellante ás realizadas en estuco ou xeso nos ámbitos casteláns entre finais do século XV e inicios do XVI.