Descrición

Esta obra de gran formato reproduce a faciana do Apóstolo Santiago no parteluz do Pórtico da Gloria. Trátase da representación dun rostro transformado e cambiante ao longo dos séculos, e supón unha renovación artística da iconografía do Apóstolo, reflexo dun tempo novo para os peregrinos actuais.

Esta peza conviviu na nave central, xunto ao Pórtico, durante un breve período de tempo en 2022, creando un diálogo simbólico entre ambas as dúas imaxes, e logo formou parte da exposición Iacobus. A historia dun peregrino, celebrada no Museo Catedral, tras a cal foi adquirida para a colección pictórica catedralicia.