Descrición

Dentro do prolífico traballo de García de Bouzas para a Catedral, atribúeselle un lenzo no que se representa a Virxe sostendo ao Neno no seu colo, que segue o modelo dunha Virxe co Neno realizada por Tiziano arredor de 1560.

María aparece sentada nunha bancada, á esquerda da imaxe, dentro dunha estancia, ataviada cun manto azul sobre unha túnica rosada e un veo en ton pardo. Sobre ela, o Neno, cuberto cun pano, semella revolverse para xirar o seu rostro cara ao espectador. No fondo, unha paisaxe vespertina a través dunha fiestra.