A estructura do retablo, trazado por frei Plácido Caamiña e tallado polo escultor José Ferreiro, segue solucións típicas do barroco como o avance da rúa central, o efecto transparente que resalta a escena do tránsito, as columnas corintias, a policromía de efectos marmóreos e o potente entaboamento que separa os corpos.
Neste retablo está patente a influencia de escultores italianos do barroco tardío, como por exemplo Bernini, autor da Transverberación de Santa Teresa, obra que lle serve como modelo a José Ferreiro para a realización da escena do Tránsito da Santa, posiblemente a súa obra mestra. Aparece disposta baixo unha auréola de nubes e axudada por un anxo, mentres outro
a espera coa coroa da Gloria, ascendendo ós ceos.
Santa Escolástica fundou, xunto co seu irmán San Bieito, o primeiro mosteiro feminino da Orde benedictina.