Neste ámbito expóñense dous tipos de impresos: un pertencente a impresores composteláns e un segundo, de impresos relativos a Santiago de Compostela.
Santiago, como cidade cunha destacada actividade cultural, contou cun número importante de impresores e imprentas. O número de tiraxe de impresos non foi nunca moi elevado, por iso a cantidade de exemplares completos conservados é realmente escasa.
Entre os impresores composteláns representados salientamos a Antonio Aldemunde, Andrés Frayz, Buenaventura Aguayo, Jacobo Souto, José M.a Paredes etc.