Relicario
Na Idade Media tivo especial importancia o culto ás reliquias e, dependendo da cantidade e da calidade das reliquias que custodiase, así sería a importancia dunha catedral. A compostelá conta, desde entón, cunha destacada colección, para a que se foron realizando importantes pezas artísticas que haberían de servir como contedores e expositores desas reliquias; algunhas delas, obras crave nos fondos artísticos da catedral.
