Tesouro
O Tesouro compostelán tivo especial importancia desde as orixes do culto a Santiago, sobre todo polo apoio da monarquía e o rápido desenvolvemento das peregrinacións. A pesar de sufrir diversas vicisitudes que provocaron a perda de importantes pezas, o Tesouro conserva a súa esencia, é unha mostra imprescindible das artes suntuarias desde a Idade Media a época contemporánea e, tamén, memoria de moitos personaxes que mostraron a súa devoción a Santiago e peregrinaron á súa Tumba.
