A fachada de Praterías é a única das portadas medievais da catedral que chegou aos nosos días, aínda que con diversas intervencións e engadidos, procedentes doutros espazos catedralicios, que modificaron a súa aparencia orixinal. En todo ese quebracabezas, que inclúe algunhas das mellores mostras de escultura románica compostelá nas súas tímpanos, friso e xambas, adoitan pasar inadvertidas as súas once columnas, organizadas segundo a secuencia 3 + 5 + 3, enmarcan a portada bífora e serven de asento aos corpos superiores.
As catro columnas máis interiores son lisas de granito, as catro intermedias son do mesmo material e teñen decoración vexetal en helicoidal e, por fin, as tres principais, son de mármore e presentan varios tramos que acollen, dentro de arquitecturas, figuras de distintos personaxes bíblicos, entre eles, un apostolado na columna central.