Imaxes
Descrición
Mestre Mateo e o seu taller. Ca. 1200. Granito
Esta estatua, que representa ao rei Salomón, creouse para a fachada do Pórtico da Gloria e, tras a modificación realizada no século XVI, foi retirada da súa localización orixinal e, posteriormente, trasladouse ao peitoril da loxia que remata a escalinata barroca da praza do Obradoiro.
A pesar da súa deterioración, apréciase unha obra de gran calidade escultórica, na que se mostra a Salomón sentado nunha cadeira de tesoira cos extremos rematados en cabezas de león. As súas roupas presentan abundantes plegues producindo fortes contrastes lumínicos. A súa identificación non ofrece dúbidas, mostra a súa man dereita orlada polo manto e porta o cetro coa esquerda, apoiándoo sobre o peito e está coroado. A cabeza, con todo, desentoa un tanto co resto da figura ao ser un engadido, probablemente do século XVIII, tras perder a orixinal, quizais, por mor da caída dun raio.